كلنا عارفين ان الحرارة

دي حاجة خطيرة جدا ⁦⁩⁦

و ممكن تبوظ المخ وبتعمل تشنجات

ومش بعيد كمان تدمر العين⁦ ⁩

اول تفكير للماميز علشان تعالج ارتفاع الحرارة

وقت ما بنلاقي حرارة لازم بسرعة نعمل كمدات تلج وخل ودش مية ساقعة

ولو الطفل بيترعش نكلفته في بطانية علشان يعرق والسخونية تهدا

واللبوس اسرع من دوا الشراب والدولفين اسرع من السيتال

وبلاش سمك ولبن وبيض ولازم ياكل كويس لاحسن تعبان وهفتاناو نعلق محلول بسرعة

والمضادات الحيوية بسرعة علشان نسيطر علي السخونية وتروح بسرعة

الحرارة عالية ⁦⁩اوي مايمكن تسنين

للاسف معظم المعلومات دي غلط وملهاش اي اساس علمي

⁦⁦⁩⁦⁩⁩⁦ تعالوا بقي مع بعض نفهم الحرارة ⁦⁦⁩⁦⁦⁦

ارتفاع حرارة الجسم هوا مجرد عرض لكتير من الامراض اللي ممكن تكون بسيطة او خطيرة

الحرارة ممكن تبقي خارجية بسبب الهدوم الكتير اللي لابسها الطفل او الجو الحر او قلة شرب السوايل

وكمان ممكن يبقي سببها داخلي زي العدوي الفيروسية او البكتيرية امثال التهابات الحلق والاذن الوسطي ومجري البول والنزلات المعوية والشعبية⁦⁩

وأخطرها التهابات المخ والالتهاب الرئوي⁦ وتسمم الدم اللي لازم ناخد بالنا ونشخصها بدرى

وبعيدا عن العدوي ممكن تبقي بسبب امراض مناعية زي الحمي الروماتيزمية او حمي البحر المتوسط او بسبب بعض الادوية

اما بخصوص التسنين بيرفع الحرارة حاجة بسيطة⁦

هنتعامل ازاي مع الحرارة. ⁩

لازم نتأكد من السخونية بقياس درجة الحرارة بالترمومتر

ودا ليه طرق كتير هانتكلم عليها في بوست منفصل ⁦

لازم نعرف علامات الخطورة اللي تخليني لازم اكشف علي ابني في اقرب وقت

⁦⁩ لو الطفل عمرة اقل من ٣شهور ودرجة حرارتة اعلي من ٣٨ لازم يكشف فوراً حتي لو انتي شايفة انه كويس وطبيعي من غير ما نديلة خوافض حرارة وطبعا دا بعد ما نستبعد ان سبب الحرارة هوا الهدوم الكتير او سخونية الجو⁦⁩.

⁦⁩ الطفل من عمر ٣شهور الي ٣سنين ودرجة حرارتة اعلي من ٣٨ لمدة اكتر من ٣ايام وباين عليه الارهاق والتعب ورافض للسوايل والاكل

او لو حرارته اعلي من ٣٩ لازم يكشف فورا

⁦⁩الطفل⁦⁩ في اي عمر ودرجة حرارته ٤٠

⁦⁩ لو فيه تشنجات مع الحرارة

⁦⁩ اي درجة حرارة في طفل بيعاني من مرض مزمن زي امراض الكلي والقلب⁦⁩.

⁦⁩ظهور طفح جلدي مع الحرارة

⁦⁩⁦نعمل ايه بقي للطفل لما يكون سخن

اولا: الطفل لازم يشرب كميات معقولة من السوايل

وبالنسبة للاكل مش هايكون ليه نفس ياكل متغصبيش عليه لانه في الاغلب هايرجع

والسمك واللبن والبيض والله العظيم مش ممنوعين بس هوا معندوش شهيه ياكل

ثانيا: الرااااحة يعني ميروحش المدرسة ولا الحضانه

يعني مفيش مشكلة لو فاته حرفين ولا تلاتة في الحضانة هايعوضهم ان شاء الله

ممكن يرجع المدرسة عادي بعد تحسن الحرارة ب ٢٤ ساعة مع عدم وجود اي مرض معدي

ثالثا: الكمادات ميه من الحنفية فاترة بلاش تلج

وبلاش خل او كحول علشان اضرارهم اكتر من نفعهم بالاخص لو طفل مريض حساسية ممكن يقفل صدره

الكمادات تكون علي الرقبة وتحت الابط و اعلي الفخذ

رابعا: الأدوية

باراسيتامول امان من عمر يوم ⁦⁩

بروفين امان من عمر ٦شهور

اسبرين ممنوع قبل ١٨سنه كخافض حرارة ممكن يعمل مصيبة لاقدر الله

اما ديكلوفيناك (لبوس الدولفين والفولتارين )حبيب الماميز بلاش قبل سن سنة ⁦⁩

اهم حاجة في علاج الحرارة تشخيص السبب وعلاجه

والصبر لانها حتي مع العلاج الصح ممكن تستمر ل⁦⁩ ايام او اكتر كمان

متخليش خوفك من الحرارة يخليكي تضري ابنك بجرعات الدوا العالية اللي مش مناسبة لا لسنه ولا وزنه

#دمتم_سالمين

#الخلطة_السحرية_لعلاج_السخونية

#كبسولة_اطفال

#د_محمد_حلمي_السيد